Dauði Evrópu

,,Dag eftir dag er meginland Evrópu ekki aðeins að breytast heldur er það að missa af tækifærinu til að ná mjúkri lendingu vegna þessara breytinga,“ segir Douglas Murray í lok bókarinnar.

Lýðverkfræði

Um síðustu aldamót gáfu Sameinuðu þjóðirnar út skýrslu sem heitir Útskiptafólksflutningar: Lausn á fólksfækkun og hækkandi lífaldri fólks?Þar kemur fram að um 80 milljón manna „útskiptafólksflutningar“ til Evrópu séu nauðsynlegir.

Í félagsskap úlfa

Í félagsskap úlfa

Angela Carter er þekkt fyrir feminísk og píkaresk verk, töfraraunsæi, og frumleg efnistök. Í félagsskap úlfa leikur hún sér með þekkt þjóðsagnaminni og dregur fram það sem henni finnst vera sannur kjarni sögunnar um Rauðhettu.

Er verið að breyta heimili okkar í gjörólíkan stað?

Metsölubókin Dauði Evrópu: Innflytjendur — sjálfsmynd — íslam er áhrifamikil lýsing á siðmenningu sem á undir högg að sækja vegna fjöldainnflutnings fólks frá ólíkum menningarsvæðum. Pólitískur rétttrúnaður og djúpstæð sektarkennd Vesturlandabúa hefur gert þá ófæra um að spyrna við fótum og horfast í augu við staðreyndir.

Höfundur ferðaðist um Evrópulönd til að kynnast brestunum í vestrænni siðmenningu og hlýða á raddir þeirra sem hafa komið frá fjarlægum löndum og sest að í Evrópu. Afraksturinn er þessi magnaða bók sem hefur farið sigurför um heiminn og kemur nú út í íslenskri þýðingu Jóns Magnússonar hæstaréttarlögmanns og fyrrverandi alþingismanns. The Strange Death of Europe — Immigration, Identity, Islam eins og bókin heitir á frummálinu hefur verið þýdd á yfir 30 tungumál, þ. á m. flest evrópsk tungumál, en auk þess hebresku, arabísku, kínversku og kóresku.

,,Evrópa er að tortíma sjálfri sér. Leiðtogar Evrópu hafa alla vega ákveðið að fara þá leið. Hvort Evrópubúar ákveða að fylgja þeim í þessu er auðvitað annað mál.

Þegar ég segi að Evrópa sé á leiðinni að ganga af sjálfri sér dauðri á ég ekki við yfirþyrmandi byrði regluverks Evrópusambandsins né að Mannréttindasáttmáli Evrópu hafi ekki megnað að fullnægja kröfum einstakra samfélaga. Ég á við að sú menning sem við þekkjum sem evrópska er í þessum ham og hvorki Bretland né nokkurt annað þjóðland í Vestur-Evrópu virðist geta afstýrt þeim örlögum. Við virðumst öll bera sömu sjúkdómseinkennin og meinin. Afleiðingin verður sú, á æviskeiði flestra núlifandi Evrópubúa, að Evrópa verður ekki lengur Evrópa. Þá hafa íbúar Evrópu glatað eina athvarfinu í veröldinni sem segja má að sé heimili þeirra.“ — Upphafsorð í inngangi bókarinnar

Kilja, 446 bls. Kostar aðeins 3.123 kr.
* Örugg greiðslusíða myPOS sem uppfyllir PCI DSS öryggisstaðla
og styður 3D auðkennisaðferð MasterCard og VISA.

Höfundur

„Ég hef eytt mörgum árum í að ferðast um Mið-Austurlönd, Austurlönd, Afríku og þau lönd þar sem stór hluti landsmanna vilja yfirgefa heimalandið. Ég er fæddur og uppalinn í London og ég hef eytt talsverðum tíma í að velta fyrir mér hlutum eins og innflytjendamálum, aðlögun og sjálfsmynd. Málefnið hefur alltaf verið afar eldfimt, og það getur orðið dýru verði keypt að verða þar á í messunni. Fólk stundar mjög mikla sjálfsritskoðun í umræðu um það, hvort sem ástæðurnar fyrir því kunna að vera góðar eða slæmar,“ segir Douglas Murray í viðtali við Örnu Ýr Öldudóttur blaðakonu Viljans.

Breski blaðamaðurinn og rithöfundurinn Douglas Murray nam enskar bókmenntir við Oxford-háskóla. Hann er ritstjórnarfulltrúi við vikublaðið The Spectator og dálkahöfundur í blöðum á borð við Wall Street Journal og Sunday Times. Þá er hann eftirsóttur fyrirlesari og stjórnmálaskýrandi.

Douglas Murray

Í bókinni dregur [Douglas Murray] saman á einn stað mikið magn frétta, frásagna og umsagna vegna straums flótta- og farandfólks til Evrópu. Fyrir hvern venjulegan lesanda sem ekki fylgist þeim mun betur með evrópskum hræringum á þessu sviði kann þetta að virka yfirþyrmandi. Dæmin eru mörg átakanleg og viðbrögðin furðuleg ... Bókin Dauði Evrópu á erindi í umræður á Íslandi. Viðfangsefnin hér eru þau sömu og annars staðar í álfunni. Þöggun leysir engan vanda.

Björn Bjarnason fyrrverandi þingmaður og ráðherra

Þetta er mjög mikilvæg bók. Allir sem geta haft áhrif á þróun mála á þessum viðsjárverðu tímum í sögu Evrópu ættu að kynna sér efni hennar.

Enski heimspekingurinn og rithöfundurinn Sir Roger Scruton

Kraftmikil og hrífandi … Murray tekst sérstaklega vel upp þegar hann hæðist að hinni sefasjúku sektarkennd vinstri elítunnar á Vesturlöndum … Jafnvel þeir sem eru honum innilega ósammála munu ekki iðrast þess að lesa bókina.

The Literary Review

Hugsanlega ein mikilvægasta bók okkar tíma … Vinstri sinnar á Vesturlöndum munu eflaust reyna að sneiða hjá henni, en þeir ættu ekki að gera það. Þær spurningar sem Murray vekur máls á eru of mikilvægar til að hægt sé að hunsa þær lengur.

New York Journal of Books

Ný bók á leiðinni!

Lýðverkfræði: Skilyrði sköpuð fyrir borgarastríð og þjóðarmorð í Evrópu

Ef marka má mannfjöldaspár lýðfræðinga verður meirihluti íbúa í borgum Evrópu af erlendum uppruna árið 2060 og meirihluti innfæddra Evrópumanna mun búa í úthverfum og dreifbýli.

Tryggðu þér eintak!

Hafa þær þjóðfélagslegu breytingar sem Evrópa hefur gengið í gegnum með fjöldainnflutningi fólks síðastliðna áratugi gert álfuna miklu ríkari? Efnahagslega? Félagslega? Menningarlega? Svör við þessum spurningum og mörgum öðrum finnur þú í bókinni.